رانيا النشار

المسابقة الأدبية الكبرى

يسر منتديات بسمه سينا ومنتديات القرضا الثقافيه أن تعلنا عن مسابقة أدبية شعريه طوال شهر رمضان المبارك

المسابقه عباره عن قصيدة عامية أو فصحى يشترك بها الشاعر غير محددة بموضوع

بشرط ان تكون القصيده من ابداع الشاعر ولم تفز العام الماضى فى مسابقتنا السنوية

ويتم وضع العمل المشارك به فى المسابقه فى هذا الموضوع وليس فى اى مكان اخر داخل المنتدى

سيتم قفل باب المشاركات اخر يوم فى شهر رمضان ثم تقيم جميع القصائد المقدمه من الشعراء من لجنه من كبار الشعراء لاستبعاد النصوص غير الصالحه

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

هروب

خلينى أتسلل من شراينك
خلينى أغمى عيون النبض العسكر منى
ساعدينى انى أهرب
وأتسرب من بين دهاليز العشق المخفى
فى خلايا القلب المتشعبط فى دموع الروح
مين خلى الدمعة
تلبد فى رموشى
وتهاجم نن عنيا ف وقت الفرح
مين غيرك يقدر يقطف نبض القلب
قبل الطرح
ساعدينى انى أهرب من دنياكى
خلينى أنساكى
 عشان ترتاحى
متبصيش أبدا لجراحى
متخبيش الدمعة ف عينك
ورا نضارة خوف تهزمنى
ببقى حاسسها
تنبت شوك وأنين جوايا
مين غيرك يقدر
 بينيمنى ع الأوجاع
وبنام مرتاح البال
مين غيرك
يقدر يسجن نبض الروح
ويطفى شموع الفرح فى عينى
صدقت كلامك
مقدرشى أتخيل شكل الدنيا بغيرك
مقدرش أحس بروحى وعايشه وانت مش موجود
مقدرشى أكمل تانى طريقى فى بعدك عنى
كنت بشوفك شمس حياتى
بس خسارة
مهما سنين هتلف كواكبى حوالين منك
هفضل دايما هنا فى مكانى
عايز انساكى
ابعدى كل جنونك عنى
أيوه بقول

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

عديها

من تانى الوقت اتكسر فوق الأسفلت
من تانى فكرت انى ابعد عنك
وانهى خيوط الرحله معاكى
فكرت ولقيتنى بدات
وقفنى كلامك

استنى
اوعى تقولها
عارفاك بتأجل فيها
من بدرى وانت ناويها
شايفاها بتلمع جوه عنيك
هوه الحب اللى ما بينى وبينك سهل انساه
مكدبش عليك أنا فكرت
بس لقيتنى بجرى وراه
وانت عارفنى ..
أنا مقدرش أطاوع قلبى واسيبك
وفين متروح ..
هاقدر اجيبك
ما انت حبيبي
وعارفه كمان والله قلبى حبيبك
من تانى هندخل فى البرواز
أنا وانت وبس
واطمن
حط فى قلبك شادر م النبض الخارج منى
أحلامنا لازم نبنيها
سكتنا لازم نمشيها
بس استحمل
وان كان فى طريقنا
مطب صناعى
ربك برضه
هايعديها
واوعى تفكر انى بكده يعجبنى الحال
والله محال
انى اشوفك يوم مجروح
واشوف الدم

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

فرقه

 جرس الفراق أهو رن ..

. والغيبه هتطول متسللة الافراح والفرقه بتميل

فاتت وراها جراح ويا السنين ما تلم

كانتبرغم المحن هيا الوحيده تحن

شفت العذاب ألوان م الانس ويا الجن

يا عايشه العمر مشحونه بألاف الآه وعمر الآهه ما عرفت طريق قلبك

يا كاتبه النعى جوه قلوب محبينك بشفره حب مكويه بلهيب الصبر

ماهو انتى كنتى مجدافنا يعدينا لبر أمان غناوينا

وجدفتى كتير بينا لكن فجأه بدون انذار في بحر العمر سيبتينا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

عجيبه

والموج بيحدف ع الشواطئ ذكريات
كل الأحبه اتجمعوا
وأنا لسه واقفه بفتكر نفس الحاجات
اتنين سوا
اتنين وتالتنا الهوى
كنا هنا
بس الأسف
اتبدلت كل الحكاوى الممكنه والأزمنه
مفضلش غير حبة سكات
ع الشط ده
أحلامنا كبرت قبلنا
والكرسى ده
سامع كلامنا وعشقنا
دلوقت ليه الحلم مغروس ف الرمال
وانداس عليه
وكلامنا متبعتر على كل الصخور
ينحت أمانى العمر مجهولة النسب
والكرسى محنى ف وقفته
من حمل أوجاع بعدنا
كان الغروب بيضمنا
يعلن لنا
عن صبح جاى مخصوص يحقق حلمنا
دلوقت ليه طعم الغروب أصبح مرار
مليان بأوجاع الفراق
اللى انكتب على كل موجه ف شطنا
وعجيبه دنيا العاشقين
وعجيبه ألوان الحياه
كل الأحبه ف شطنا
حاسين بنفس الأمنيات
راسمين على شط الغرام
وصخور عجيبه حلمهم
مش داريانين
الحلم ممكن ينتهى وقت الأم

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

ألاؤنا

ألاؤنا القلب الأنتيكه من غير ولا حادثه ولا رش دواخل 
م الداخل تلاقيه فابريكا
بيساع ولا ألف سلندر مع انه جريح بيسابق الريح
لا يهمه رادار ولا أى جدار ولا حتى كمين  أو لجنه تغير خط السير
لو حب فى مره يحب بجد
 ألاؤنا القلب الأنتيكه
ألاؤنا القلب الأنتيكه كان عمره ما فكر مره يحب
بيعافر ويمد الخطوة كما الرهوان
ماهو خايف يقضى العمر وحيد
وبيعلن فى مزاد عن نفسه 
ونشوف جمهور المشترين وأقلب نظرى فى ملامحهم
ألاقيها مقسومه لاتنين
ملامح باهته وشقيانه من كتر اللف على المزادات
وملامح مليانه بزيف
نظراتها بتعلن ا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

اليوم الثامن

 من بعد كلامك الدنيا فى عينى فصل خريف
 والقلب كأنه شجرة مر بتبكى عليكى
 والنبض الورق الناشف بيعانى الريح
 ولأنك الفصل الخامس فى حياتى
 فمتعودتش أعيش غير فيكى
 واحشانى بجد واحشانى
 ايه فاضل تانى عشان أقولهولك وأقدمهولك
 وأنا بتنازل حتى عن عزة نفسى معاكى
 مع ان الاسبوع بيعدى من غير ما بشوفك
 بستنى اليوم الثامن وأنا عارف انه مش ناوى يجينى
 بستنى يمرر قلبك حتى خياله
 فيطمنى ويقولى انك باقيه معايا
 فاحبس ضله جوه ضلوعى
 وأبطل حتى أتنفس
 لحسن تانى يهرب منى
 كده مرتاحه
 قولى يا عمرى
لو تعبانه أجمع نبضى الساكن فيا وسادة
 وانتى تريحى كل جوارحك تانى عليه
 زى العادة
 أحضن خوفك أهدهد قلقك
 وأص

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

برواز صور

اول صورنا تضمنا سهمين لقلب بيملوا كل الدنيا فرح

واما سابت صورتى بروازها اللعين

شفت السهام صبحت مشانق للقلوب

تانى الصور كانت لتضفيره ادينا بنبضه واحده بتتعزف

واما راح وهم الخيال شفت السلاسل خانقه تشبيكه ادينا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

التعويذة

أنا المصلوبه ع الآهات تعذبنى
سنين العمر خانتنى
وفاتت فى الحشا طعنات بأمر الحاوى تتجدد
لقيت قلبى كما الكنفا بيتقسم بلون الجرح يتشكل
حلمت العمر تفضل لى ولو غرزة أمان واحدة تطمنى
ثوانى الحزن تتمدد كما السرطان فى شريانى
فتتحول عروق النبض وتر خالى من الآلحان
قلوب ع الآهه مفطومه
وتتحول أمانينا سكك باليأس مبدورة ومفروشه ومتسكن لها شوكها
ويعزف فيها ناى أخرس
جمل مبتوره م الاحساس
وتتبخر حكايا كتير فى يوم حلمت يكون ليها
كما الفرسان
ملامح فرحه محفوره ولو حتى تكون باهته
وتت

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

وهتبعدى ؟؟

لملمتى أوراق الرحيل من غربتك
واتعصبت جواكى أحلام الهوى
أنا كنت ناوى العمر كله تعيش تنور سكتك
ضفرتى شريان الحياه
وف كل عقده بتصلبى شريان جديد من قسوتك
شريان ألم .. شريان بكا .. يمكن عناد
لما انتى ناويه ع البعاد
كان ليه بتفرد بسمتك دراعات امل ف محبتك
وتقلبى ف نور الأمل فى وشوش بتترجى المرور حاضنه خطاوى رحلتك
كان ليه تملى بتبدرى كل الحكايا أمنيات
متجدوله فى العمر ممنوعه الوصول
وبتهجرى كل الشقوق اللى اتحفر جواها ألوان الخداع
وهتبعدى ؟؟ طب ابعدى
أنا قلبى طير رافض فتافيت الوصال
رافض عروقه تتروى من بين كفوف

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج